Basarinn er nytjamarkaður sem rekinn er af Sambandi íslenskra kristniboðsfélaga, Kristniboðssambandinu. Á Basarnum eru til sölu ýmsir munir úr búi fólks, svo sem bækur, plötur, geisladiskar, myndbönd- og mynddiskar, fatnaður, málverk, leikföng, lampar, skrautmunir, eldhúsáhöld, borðbúnaður og svo framvegis. Einnig eru þar minni húsgögn, raftæki og vel með farinn fatnaður. Allur ágóði af sölunni á Basarnum rennur til starfs SÍK.